#الرقة #محافظة_الرقة

بدي أكون قاسي شوي بهالمنشور ..

الأسبوع الماضي قام مجموعة من الشباب بعمل تتطوعي وعلى حسابهم الشخصي وبشكل كثير حضاري لباس و عمل و تشجيع ..

قرروا يردموا هالحفر يلي موجودة بالشوارع ، عمل تتطوعي وصورة جميلة لشباب البلد وتشجيع للعمل الجماعي و توعية للمجتمع أنه هالبلد بلدنا إذا ما قمنا بيه ماحدا يقوم بيه ..

هاجموا هالشباب بدون سبب ..
على أنتم تدورون ترند ،، على يلي يسوي لله ما يصور ،، على أنت غربتلي تادفي ،، على سوالف ما أنزل الله بها من سلطان..

النتيجة شو ،،؟؟ هالمجموعة اللطيفة من هالشباب قررت توقف نشاطها السبب تعليقات ناس تافهين منحطين وسفلة ..

للأسف أنه قام نعيش هيج واقع زبالة كلو تخوين و هجوم وسخرية ..

أكبر عرقلة بهالبلد مو من قلة الإمكانيات…
بل من عقليات مريضة بتكسر أي مبادرة قبل ما تكبر.

اليوم هالشباب وقفوا نشاطهم…
مو لأنهم غلطوا، بل لأن القذارة بالتعليقات كانت أعلى من طاقتهم.

وأعرف مجموعة شباب كانوا رح يبلشوا عمل جبار يبدأ من المدارس و نوادي رياضية للأطفال .. زاد وقفوا

والسبب ثلة مريضة ماتعرف غير أنها تتقيأ سموم

لا نملك إلا الاعتذار من هالشباب وندعوهم لعدم الالتفات للوراء البلد بلدنا و لازم تستمر حملات التوعية و العمل التطوعي